Endama Paştdayîşê Morî Derya Çîçeke vat kifş o ke wekîlê cinîyî kerdî zindan nika zî verba hemserekîye qeyûman erşawenê û va, "Qeyûm yeno menaya hêrişê verba pêro serkewtişanê cinîyan."

Çîçeke da zanayene ke sucê verba cinîyan qanûnê nikayîn zî nênê xebitnayene û vat, hînî cinîyî nêeşkenê ke sebr bikê û pabeyê qewlan nîyê wazenê ke heqanê înanê ke heta nika kewtê dest bêrê pawitene. Çîçeke vîst vîrî ke têna aşma Temmuze de 49 cinîyî ameyî kiştene û va, "Her çiqas ma wazenê bale biancê serê  kiştişê cinîyan, mehkemeyî zî tayê qerarî girewtî ke nê kiştişî do bibê zêdêr. Mîsal kêmkerdişê cezayan ê sucanê verba cinîyan û bêcezakerdiş. Se beno wa bibo ma ganî wayîrê heq û serkewtişanê xo vejê. Ma sey Paştdayîşê Morî waşt ke Peymana Stenbolî bi hewayêkê bêteredutî û lez bêra tesdîqkerdene."

Hêrişo Pîl  Hetê Dewlete ra Yeno

Çîçeke va: "Qaşo kargehan de hîna zêde kreşî biameyêne akerdene, la ê kreşî ke estê zî ameyî padayene. Dewlete pê destê xo asteng kerd ke cinîyî nêşorê kar. Xora wexto ke ma ewnîyenê meclîs, camêrdî qerar gênê û qanûnan virazenê. Seke no qîm nêkeno sîyasetmedarê cinîyê ke pê keda pîle ma kerdî temsîlkaranê xo, yenî eştene bi zindanan. Seba hemserekîya ke pê qeyûman bi hedef eynî yo. Înanê ke vizêr wekîlê cinîyî eştî zindanan nika zî seba hemserokîye qeyûman erşawenê. Eşkena vaja ke qeyûmî hêrişê verba destkewteyanê cinîyan, dezgehanê cinîyan û xebatanê cinîyan o. Ma do serkewtişanê xo nê destsernayoxan rê nêverdê.Heta ke ma serkewtişanê xo apey bigêrê û zêde bikê, têkoşînê ma do dewam biko."