Hemsereka Verên a Şaredarîya Ercîşî Dîba Keskîna ke 9'ê Êlule de ameye tehlîyekerdene hema nêameye veradayene.

Derheqê dewaya "îlanê îdareyo xoserî" yê Hemsereka Verên a Ercişî Diba Keskîna ke herinda aye de qeyûm ame wezîfedarkerdene de, qerar amebi dayene ke 13 serrî û 9 mengî ceza bêra dayene. Keskîna ke dewaya ke 38 kesî pê yenê sucdarkerene, 3 serrî û 11 mengî ra nata Hepisxaneyo Girewte yê Cinîyan ê Sincanî yê  Ankara de yena tepiştene. Menga Tebaxa 2018'an de cezaya Keskîna ke rîyê 'endamîya rêxistine' ra girewtibi, amebî wedaritene. Dimayê wedaritişê cezaye, mahkemeya yewîne ya dewaye 9'ê Êlule de Mahkemeya Ceza ya Girane ya Edlîyeya Ercişî de amebî dîyene û heyetê mahkeme qerar dabi ke Dîba Keskîne bêra veradayene. Dozgerîye qerarê veradayîşî yê Dîba Keskîne rê îtîraz kerd. Dîba, rîyê îtîrazê dozgerîye hema zî hepisxane de yena tepiştene. Ame vatene ke, seba ke derheqê Keskîne de dosyaya bîne ya hepisî esta, aye ra nêna veradayene.