Hêrişê Artêşa Tirkan û cerganê aye vera dewanê asûran û sûryanan Til Temirî de dewam kenê. Xoverdayîşê şarê herême zî dezgehanê medyaya mîyanneteweyî de yeno weşanene. Rojnameyê Die Zeitî yê Almanya bi sernameyê "Şerwananê Xiristîyanan ê Cinîyan ê Til Temirî" bale ante xoverdayîşê cinîyan ser.

Muxabîra rojnameyî Andrea Backhaus a ke herême de ya derheqê babete de dosya-xebere amade kerde û pare kerd ke Dewleta Tirkan a îşxalkere hêrişê şarê asûran û sûryanan, xiristîyanan ê ke binê sîwanê QSDyî de şer kenê kena. Xebere de vînayîşê verfeka şerwananê cinîyan ê suryanan Nîsha Gorîe ameyî parekerdene û ame vatene ke seba şerwananê cinîyan ê xiristîyanan akademîyêka leşkerî esta. Gorîe rojnameyî de eşkera kerd ke ê do vera îşxalan heta peyêne şaristanê xo bipawê û arz ziwan ke mabênê cerganê Dewleta Tirkan û DAÎŞî de yew cîyatîye çin a.Temsîlkaranê asûran û sûryanan rojnameyî rê vat ke xiristîyanê herême biqesawet ê ke reyna bêrê qirkerdene.