Aysele Tugluka ke rixmê nêweşîya xo ya demansî zîndan de tepişîyena û rewşa ci vera bena giranêr. Hemsereka Pêroyî ya Komeleyanê Elewîyanê Demokratîkan (DAD) Kadrîye Dogan derheqê babete de PÎRHA rê qisey kerd.

Kadrîye Dogan bale ante ser ke Tirkîya de qanûnî verê her kesî de bi hawayêkê têdûştî nênê caardenen. Dogane vat: ''Dezgehê Tipê Edlîyî rixmo ke Aysele demans a, raporê 'eşkena zîndan de bimana' da ci. Fermandaro verên ê artêşa tirke Çevîk Bîr zî nêweşê demansî bi la vera dîya. Aysela ke hînî avûkata xo zî nêşinasnena, vera nêdîyena.

Ma zanenê ke Aysele Tugluk seba nasnameyê xo yê kurdayetîye, elewîtîye û cinîtîye yena cezakerdene. Ma venga selahîyetdaran danê ke sere de Aysele Tugluk wa pêro tepişteyê nêweşî bêrê veradayene.''