Hemşaredara Sêrtî Bêrîvane Helen Işik hepsê keyeyî de ya. Işike û avûkatê ci nêzanenê ke sebebê hepsî çita yo. Işike û avûkatî vera bire îtîraz kenê la netîce nêgênê. Avûkatan 2 mengî verî muracatê Mehkemeya Qanûnê Bingeyî kerd.

Avûkatê Işike vano ke semedo ke Işike hepsê keyeyî de ya dozgerî îdîaname zî amade nêkenê. 

Işike vat: ''Ê nêwazenê ma sîyaset bikerê. Ma rê muameleyêkê xirabî yeno kerdene. Ma nêzanenê çira sûcdar ê û na ceza gênê. Hepsê keyeyî konseptêko newe yê dewlet o û armancê ci zî no yo ke weçînitoxan şar, keye û komelî ra dûrî bivisno. Roja weçînayîşê ma ra heta roja tepişîyayîşê ma ma şarê xo rê xizmet kerd. Ê ney zanenê coka hende hêrişê ma kenê. Şar zî zaneno ke ma bêusulîye, dizdîye nêkenê. Qeyûm pê bira polîtîke ame, yew meşrûtîya ci çin a. Dewlete wazena vengê şarî bibirna, çimê ci bitersna.''

Avûkatê Îşike Şakîr Demîrî da zanayene ke muwekîla ci 15 mengî yo hepsê keyeyî de ya û dozgerî semedo ke a hepsê keyeyî de ya îdîaname amade nêkenê.