Komîsyonê Cinîyan ê Komeleya Heqanê Merdiman (ÎHD) ya Îzmîrî raporê binpaykerdişanê heqanê cinîyan eşkera kerd ke 4 menganê peyênan de herêma Ege de qewimîyayî.

Endama Komîsyonê Cinîyan Cemîle Karakaya pare kerd ke betalkerdişê Peymana Îstanbulî ra dima teda, tecawuz û kişîyayîşê cinîyan zêdîyayî. Karakaya ard ziwan ke 6 menganê verênan ê 2021î de camêrdan 130 cinîyî qetil kerdî û betalkerdişê peymane ra dima nêzdîyê 100 cinîyî ameyî qetilkerdene.

Karakaya îfade kerd ke herêma Ege de mîyanê 4 mengan de heqê 213 cinîyan ame werdene.