Komîsyonê Cinîyan ê Komeleya Heqanê Merdiman (ÎHD) ê Îzmîrî netîceya raporê 'Binpaykerdişê heqanê cinîyan' ê 6 mengan eşkera kerd. Rapor serê şaristananê Ege Afyon, Balikesîr, Mûgla, Manîsa, Ûşak, Isparta, Denîzlî, Kutahya û Îzmîrî bi.

Endama Komîsyonê Cinîyan ê ÎHDyî Cemîle Karakayayî rapor wend û da zanayene ke zîndanan de teda û kerdişê xerabî yê vera tepişteyan zêdîyenê. 

Goreyê raporî nê 6 mengan de Ege de 202 reyî heqê cinîyan ameyî binpaykerdene ke nînan ra tayî wina yê:

-21 cinîyî raştê şîdet, derb û birîndarkerdişî ameyî.

-6 cinîyî raştê hêrişê cînsîyî, tacîz û tecawuzî ameyî.

-32 cinîyî ameyî kiştene.

-2 reyî cînayetanê cinîyan de kêmkerdişê ceza, bêceza verdayîş 

-8 hêrişê cînsîyî

-2 destbendkerdiş, teqîb û tehqîqat

-3 nezaret de derb, cigêrayîşo rût

-2 nezaret de kelemçeyo ters

-3 nezaret de kerdişo xerab û îşkence

-9 tehdît, şantaj, rehîngirewtiş

-52 mergê şikdarî

-3 cînayetê transî

-3 vînîbîyayîşî

-5 hetê hêzanê asayîşî ra tehdît û teqîb

-1 cezaya vera xopawitişî

-4 ferzkerdişê fuhuşî

-1 medyaya dîjîtale de sûcê vera cinîyan

-7 tacîz

-Xîretêkê seba kiştişê cinîyan

-1 xîretê xokiştişî

-1 zîndan de tehqîqatê dîsîplînî

-5 cinîyê tepişteyî pê sebebanê keyfîyan vera nêdîyayî

-Zîndanan de aktîvîteyî yenê astengkerdene, koxûşê karantîna qîm nêkenê, koxûşî qerebalix ê, hûmara kitaban yena astengkerdene û dest nîyeno kovaran ser.''