Endamê Meclîsê Cinîyan ê Şaredarîya Sûrî domanan reyde ameyî têhet
Endamê Meclîsê Cinîyan ê Şaredarîya Sûrî tewrê aktîvîteya ''Gêjanîya Qijkeke-Muzeya Dîjîtale'' ya Komeleya Hêvîyanê Rengerengan bîyî.
Endamê Meclîsê Cinîyan ê Şaredarîya Sûrî bi wesîleya 20ê Teşrîna Peyêne ya Roja Heqanê Domanan tewrê aktîvîteya ''Gêjanîya Qijkeke-Muzeya Dîjîtale'' ya Komeleya Hêvîyanê Rengerengan bîyî. Çarçewa aktîvîte de endamî reya verêne tewrê ''Gêjanîya Qije-Muzeya Dîjîtale'' bîyî. Endaman domanan reyde kay kerd û derheqê muzeya dîjîtale de zanayîş girewt.
