Enqere de vera şîdet û qetilkerdişê cinîyan çalakîyêk ameye viraştene. Çalakîye de polîtîkaya hêrişkare ya dewlete ya vera cinîyan ameye vîrardene û Erdogan sey mesuldarê qirkerdişê cinîyan ame namekerdene.
Herişê vera cinîyan çikas ke şino zêdîyene.Tewr peynî Enqere de Fadîme Tekîne hetê mêrdeyê xo yê verênî Riza Işikî ra raştê herişî ameye. Işikî bi amance qetilkerdişî hêrişê Tekine kerd la Tekîne birîndar xelisyaye. Vera naye cinîyê Enqereyijî vejîyayî kuçeyan.
Bi seyan cinîyê ke Parka Ahmet Arîfî ya ke Tekine de tede raştê hêrişî ameye de ameyî têhet, pankarta, ‘Ma wazenê biciwîye‘ akerde û bi slogananê, ‘Ma huşnêkene, nêtersenê, îtaat nêkenê’ û ‘Cinî cuye azadîye’ qîrayî. Bado zî eşkerayîyêk ameye dayene. Eşkerayîye de ame vatene ke camêrdî îqtîdarê 17 serranî yo ke dişmenê cinîyan o ra paştî genê û hêrişê cinîyan kenê. Coka mesuldarê qetilkerdişê cinîyan Erdogan o. Cinîyan mesajê xurtkerdişê mucadeleyî dayî û vat ê do heqê xo yê xopawitişî bişuxulnê.
