Endama Koordînasyonê KJKyî Besê Erzîncan beşdara Bernameyê Taybetî yê Medya Haber TVyî bîye û rojdem ercna. 

Qiseykerdişê Erzîncane ra beşêk wina yo:

''Vera Rayberîya ma sîstemê îşkenceyî esto ke sînoran nêşinasneno. Tewirê Rayberîya ma wina yo ke o eşkeno cewab bido meseleyanê merdiman û alternatîfan awan bikero. Rayberîya ma çarçewa azadkerdişê cinîyan û koomelî de vera meseleya kurdan vindert. Coka vera Rayberîya ma komplo ame kerdene. Rayberîya ma bi tewirê xo hesabê sîstemî xera kerdî. Ma Komployê Mîyanneteweyî sey komployê vera xeta azadîya cinîyan vînenê. Rayberîya semedo ke azadîya cinîyan aver şora kedêka pîle daye. Semedo ke komplo nêreso armancê xo cinîyî bi rolêkê girîngî têgêrayî.

Ewro xoverdayîşê gerîlayanê azadîye AKP-MHP ard verê rijîyayîşî. Dewleta tirke vera nê xoverdayîşî de neçare mende ke çeka kîmyewîye bixebitna. No nêno qebulkerdene. Dewleta tirke qanûnanê mîyanneteweyîyan binpay kena, bi qeleşî hêriş kena.

Qetî bi ke PDKyî Xelîfan de embazê ma şehîd kerdî. Şarê ma û cinîyî na rewşe qebul nêkenê.Weçînayîşan de şar do cewabê PDKyî bido ci. Gerîlayî asayîşê cinîyan ê. Eke cayêk de gerîlayî xo ver danê ganî cinîyî zî bi çalakîyan gerîlayan bipawê.

Gerîlayê YJA-Starî nika her wextî ra zêdêr çalakîyan kenê. No artêşbîyayîşê cinîyan de rewşêka newîye ya, astêka newîye ya. Cinîyê kurdî artêşbîyayîş de, fermandarbîyayîş de sereberz bîyî. Şer îdare kenê. Na aste de bi hawayêkê hîrayî çalakîyan kenê. No tarîxê merdimîye de çîyêko newe yo. No têkoşîn qetî do ser bikewo.

Hemleya ma 'WExtê azadîya cinîyan û pawitişê komelî' dewam kena. Her parçeyan de cinîyê ciwanî, dadîyî rayberîya hemle kenê. Çalakîyan de semedê azadîya Rayberîye cinîyî rayberîye kenê. Cinîyî waranê awankerdişê komelî de, sîyaset, dîplomasî, xopawitiş, cuya sosyale, kultur, çapemenîye de bi rolê rayberî yê stratejîkî wurzenê payan ser. Azadîya Rayberîye rojdemê ma yo sereke yo. Çalakîyê ke do bêrê kerdene nê esasî ser o bê. Azadîya Rayberîye, xoverdayîşê vera îşxalê Tirkîya û azadîya cinîyan girêdayîyê yewbînan ê.''