Hêzanê Kede, Haştîye û Demokrasîyî yê Îstanbulî destsernayîşê Şaredarîyanê Esenyurt, Mêrdîn, Êlih û Xalfetî bi çalakîyêke protesto kerd. Çalakîye merkezê Esenyurtî de ameye kerdene û tede sloganê sey ''Ma bi xoverdayîşî do ser bikewê'' ameyî vatene.

Çalakîye de Wekîlê DEM Partî Cengîz Çîçekî ard ziwan ke qeyûmî tayînê îradeyê şarî û demokrasîyî ameyê kerdene û vat: ''Xoverdayîş heq o. Qeyûm darbe yo. Ma do têkoşînî pîl bikerê û ser bikewê.''

Hemvervatoxê KESKî yê Îstanbulî Eren Ertînî zî vat ke pêro şaredarîyî binê gefê qeyûman de yê û ê na darbe qebul nêkenê.

Dima hemwelatîyê Esenyurtî vera destsernayîşê şaredarîyan vejîyayî waran û bi sloganê ''Kurdîstan do faşîzmî rê bibo goristan'' rayraşîyayîş kerd. Hemwelatîyan sloganê sey Kurdistan wê ji faşîzmê re bibe goristan", "Jin, Jiyan, Azadî", "Bijî berxwedana zindanan", "Maf, hiqûq, edalet" vatî.