Azra Haytaogluya vînîbîyaye ameya qetilkerdene

Eşkera bi ke Azra Gulendam Haytaogullariya ke bi rojan vînîbîyaye bîye hetê camêrd Mustafa Murat Ayhanî ra ameya qetilkerdene.

Antalya de cinîya ciwana 26 serre Azra Gulendam Haytaogullari 28ê temmuze ra nata bi rojan vînîbîyaye bîye. Azra tewr peyên waya xo rê vatbi 'Ez şina teber hewa gêna.' û dima nêagêraye keye. 

Eşkera bi ke Azra Gulendam seba karî şîye keyeyê emlakrotox Mustafa Murat Ayhanî. Ayhanî dima ke Azra rê hêrişo cînsî kerd a qetil kerda. Ayhanî bedenê Azra parçe kerde. Ayhan wexto ke pê valîzî gêrayêne hetê polîsan ra ame destbendkerdene û cînayet îtîraf kerd. Ayhanî îtîraf kerd ke ey cenaza kerda valîz û daristan de kerda binê erdî.