Fermandaranê YJA-Starî Amra Ronahî sebebê tewrbîyayîşê xo yê PKKyî ANFyî rê vatî.

Ronahî pare kerd ke hêrişê qirkerî û îmha yê dewleta tirke yê vera kurdan bi serran o ke dewam kenê û venga babîyê xo yo ke verê bînaya HDPyî de nobete de yo, û keyeyanê bînan da û vat: ''Dewleta tirke hêrişanê bêexlaqîyan kena. No çîyêko newe nîyo.

Hîşmendîya faşîzane seba ke şar pêro erjanê ci ra dûrî bikera xeylêk metodan ana ca. Ma zî sey elewîyanê kurdan ameyî asîmîlkerdene, ma bênasname û bêîrade ameyî verdayene. Wexto ke mi xo şinasna ez pê hesîyaya ke ez ferdêka nê komelî ya.

Êyê ke ez anta koyan û sebeb bîyî ke ez tewra PKKyî bîya, hêrişê dewleta tirke bîyî. Dima ke ez pê rewşa hesîyaye ez tewra PKKyî bîya ke vera na rewşe têkoşîn bikera. Bi hawayêkê eşkerayî doman, cinî û şarê ma yenê qetilkerdene, welatê ma yeno îşxalkerdene. Vera naye çîyêknêkerdiş bêrûmetî ya. Ez seba ke wayîra erjanê merdimîye bivejîya tewra têkoşînî bîya. Ewladê rûmetînî yê nê şarî estê ke seba azadîya şarê xo têkoşîn kenê û canê xo feda kenê.

AKP bi metodanê bêexlaqan  têgêreno. Wazeno bi metodanê gemarinan tasfîye bikero.

Verê bînaya HDPyî de AKPyî binê nameyê 'nobeta ewladan' de çend keyeyî kom kerdî. AKP wazeno HDP çimê şarî de HDP qij bikero. Domanê nê keyeyan koyan de sere seba ke keyeyê înan û şarê xo bi rûmetî biciwîyê şer kenê û şehîd benê.

Babîyê mi û keyeyê ke verê HDPyî de nobete de yê, wa baş bizanê ke çew bê îradeyê xo nêvejîyeno koyan. Seba ke domananê xo verê dişmenî de qij û bêqîmet nêkerê ez wazena şexsê babîyê xo de venga nê keyeyan bikera. Seke mi vat ez bi zanayîşî û bi qerarê xo tewra PKKyî bîya. Şima rayîr medê ke erj û rûmetê şima biginê erdî ro. Xezmetkerdişê polîtîkayanê dewlete yeno manaya destûrê qirkerdişan.Ganî ferdêkê ma kişta dişmenî de ca nêgêro û ci rê xizmet nêkero No xîyanet o.
Ez pê sereberz a ke tewra têkoşînî bîya. Ez do bi pêro hêzê xo heta guleyê xo yê peyênî xo ver bida.''