Rojawan de çalakîyê 25ê Teşrîna Peyêne Roja Têkoşînê Vera Şîdetê Serê Cinîyan dewam kenê. Camêrdî xeylê merkezan de vera şîdetê camêrdan rayraşîyayîş kerd û vat: ''Ameyoxê ma bi azadîya cinîyan girêdaye yo.''

Reqa, Dirbêsîyê, Şedad de serkêşîya Kongreya Starî de camêrdan pankartî kiriştî, sloganê sey ''Jin, Jiyan, Azadî'' vatî. Qiseykerdişan de dîya zanayene ke ganî rojêke ney her roje vera şîdetî têkoşîn bêro kerdene.