Merkezê Îrtîbatî û Çapemenîye yê QSDyî pare kerd ke Girê Sipî de perey cerganê dewleta tirke ya îşxalkere xîret kerd ke debikewê dewêke û derheqê babete de bi eşkerayîyêke detayî dayî.

Eşkerayîye wina ya:

''Perey cerganê dewleta tirke ya îşxalkere xîret kerd ke debikewê dewa Ebdokî ya Girê Sipîyî. La netîceya hayîdarîya şerwananê ma de no xîret ame pûçkerdene. Hêzanê ma cergî vistî mîyanê dafike û pêkewtişî qewimîyayî. Netîceya pêkewtişan de 5 cergî kişîyayî, 4 cergî birîndar bîyî. Pêkewtişan ra dima cergî remayî.

Dima cergan û dewleta tirke ya îşxalkere dewe bi 150 obus û hawanan daye bombayan ver. Netîceya hêrişî de keye û malanê şarî zerar dî.

Dewleta tirke ya îşxalkere û cergê ci Rojawan tim kenê hedef. Bi nê hawayî kenê ke şar biterso û herême biterikno.''