Endama Konseya Leşkerî ya YPJ û QSDyî Sosine Bîrhata ( Sosine Mihemed) ke 19ê tebaxe de hêrişê dewleta tirke yê vera Til Temirî de şehîde bîye,bajarê Bonî yê Almanya de pê aktîvîteyêke ameye vîrardene.

Aktîvîteya ke Kongreya Star Ewropa organîze kerde Endama Konraya Starî Asya Abdullah, Vervatoxa PYD Ewropa Zozane Derik û xeylêk kesî tewrê ci bîyî

Vîrardişo ke bi rêzgirewtişî dest pêkerd bi sînevîzyonê  derheqê Sosine Bîrhat dewam kerd.Endama Kongraya Starî Asya Abdullaha atîvîte de qisey kerd.

Asya Abdullah vat: ''Ma embaza xo Sosine Bîrhat û embazê bînê ke Til Termir de şehîd bîyî înan yad kenê. Şarê Kurdî tim vera hêrişê îşxalî yê dewleta tirke xover dano. Dewleta tirke ya îşxalkere hêrişê heme destkewteyanê kurdan kena û vera nê hêrişan têkoşîno bêmabên yeno rayraberdene. Şarê kurdî bi îradeyê pîlî merhaleya tewr berze de heme leteyanê Kurdîstanî de xover dano.''