Fermandarîya Qerargehê Merkezî ya YJA-Starî şerwan û fermandarê Eyaletanê Botan û Dêrsimî semedê çalakîyanê înan ê serkewteyan pê mesajêkî fîraz kerdî. Mesaj wina yo:

''Ma sey cinîyan Têkoşînê Azadîye de mîsyonê rayberîye gênê, pê xîretê xeta Zîlane ma do tim xo ver bidê. Vera pêro hîşmendîya serdestîya camêrdan ma do pê îrade, zerrî û mezgî nê têkoşînê çetinî de, pê hêvîya serfîrazîya ke hêz û perpektîfê xo Rayberîye ra girewte, pê taktîkan goreyê ruhê modernî çalakîyê serkewteyî yenê kerdene.

Çalakîya Dêrsimî vera Terteleyê Dêrsimî yê dewleta tirke bîye cewabêk. Heman wextî de vera kişîyayîşê embazanê ma Sara, Rojbîne û Ronahî sozê qesasî yo. Her xoverdayîş yeno manaya temsilîya Zarîfe û Besê ke embaze Besê Dêrsim de têkoşîn kerd û embaze Sara zî Zîndanê Amedî de xo ver da. Guleyo verêno ke 15ê Tebaxe de hetê fermandarê pîlî Egîdî ra erzîya mîyanê şarê Botanî de ruhê xoverdayîşî awan kerd, no ruh ewro Zendûra, Avaşîn û Zap û xeylêk cayan de pê tewirê fedayî yê ciwananê kurdan seba pêro Rojhelate Mîyanênî bi roşnîya hêvî. Heman wextî de Serewedaritişê Cizîre yê 1992î de,tewiro rayber ê embaze Binefşe Egal bîye sembola azadîye ya şarê Kurdîstanî û cinîyan ê kurdan. Aye mojna ke ganî no şer senî bêro kerdene. Wextê peyênî de zî bingeyê çalakîyan ê serkewteyan ê Dêrsim û Botanî nê kulturî ra yeno. Nê çalakîyê ke pê taktîkanê neweyan yenê kerdene çimeyê xo hêzê cinîyan ê milîtanan ê perpektîfê 'Şerê Şarî yê Şorişgêrî' yê Rayber Apoyî ra gênê.

5ê tebaxe de dewa Çakmakli ya qezaya Xozatî ya Dêrsimî de vera yewinanê ma yê nimiteyan semedê vîrameyîşê embaze Zîne Cîzre û Yilmaz Dêrsimî 2 baskan ra çalakîya taktîkî ameye kerdene. Na çalakîye mojna ke cinîyê Kurdîstanî do nê şerî pê serfîrazî tacîdar bikerê.

Botan de zî çarçewa Hemleya Serfîrazî ya Egîdanê Botanî de 6ê tebaxe de dewa Şaminisî ya qezaya Şaxî ya Wanî de vera yewin û wesayîtê dişmenî çalakîyêka serkewte ameye kerdene. Nê çalakîyê serkewteyî dîyar kenê ke hêzê YJA-Starî pêro waranê Kurdîstanî de pê mîsyonê cinîyan ê rayberan bara prosesî gênê xo milî ser.

Pê bawerîya ke gerîlatîya dewrê neweyî zêdêr bêra profesyonelkerdene û YJA-Star rayberîya nê terz û taktîkan bikero ma pêro fermandar û şerwanê kedkarê nê çalakîyan fîraz kenê, pê ruhê serfîrazî yê 15ê Tebaxe ma şima pêroyînan selam kenê û şima rê serkewtiş wazenê.''