Fermandarîya Pêroyî ya YPJyî bi wesîleya şehadetê Hêvî (Gulîstane Aksoy)a le 26ê temmuze de paytextê Almanya Berlin de nêweşîye ra tewra karwanê şehîdan bîye eşkerayîyêke daye. Eşkerayîye de Gulîstane Aksoy bi rêzdarî û heskerdişî ameye yadkerdene, keye û şarê kurdî rê serweşîye ameye waştene.

Eşkerayîya YPJyî wina ya:

''Embaze Hêvîya ke pêro cuya xo ya têkoşînî de şarê xo pawit, her hela cuya xo de bîye çimeyê coş, moral û hêvî. Semedo ke ma embaz û şorişgêrêka winasêne kerde vînî ma zaf xemgîn ê la ma pê welatperwerîya aye zaf sereberz ê. Sey pêro embazan embaze Hêvî zî erdk û wezîfeyê xo bi serkewtişî ardî ca û têkoşînê xo dewrê ma kerd.

Senî ke embaze Hêvî xebatanê ciwanan, kar û xebatanê çapemenîye û têkoşînê azadîye de bîye wayîrê rolêkê aktîfî wina Rojawanê Kurdîstanî de zî bi heman rolî têgêraye. Embaze Hêvî vera îşxal û talanê DAÎŞî vat 'ganî ez uca de biba'  û şarê xo rê bîye mîsalêk.

Hêvî Rojawan de şerwananê YPJ û YPGyî reyde şer kerd. Hamleya xelisnayîşê Til Koçerî de lingê xo ra birîndar bîye. La reyna zî embazê xo nêteriknayî. Serra 2015î de xoverdayîşê Serêkanîyê de bi mayînêkê DAÎŞî bi giranî birîndar bîye.

2 serran Rojawan de tedawî dî. Nê wird serran de zî rixmê birînanê xo xoverdayîşêko bêhempa kerd. A bîye gazîyêka Şorişê Rojawanî û wina vat: 'Ma sey komîteya Gazîyan a ke komîteya Rayber Apoyî ya, ganî heta peynî xeta şehîdan de têkoşînê xo gandar biverdê.' Seba ke îmkanê dermanan kêm bîyî seba tedawî şîye Almanya û uca de tewra karwananê şehîdan bîye.

Embaze Hêvî tekoşîn, xoverdayîş û şorişgêrîya xo de tim mesuldarîyê xo ardî ca û bi kesayet, moral, coş û rayberîya xo zî tim bîye mîsal. Embaze Hêvî bîye nîşaneya yewîya têkoşînî. B3iye rojnameger, xebatkara ciwanan, şorişgêr, şerwan. 

Aye bi desan reyî vera DAÎŞî şer kerd. Embaze Hêvî sey bi hezaran şehîdan canê xo feda kerd û seba pîlkerdişê têkoşînî ferman da ma. Ma sey Yewinanê Pawitişê Cinîyan vanê ke tewirê embaze Hêbî tim bibo sembolê cu û şerê ma. Seba awankerdişê ameyoxêkê azadî ma do alaya têkoşînî berz bikerê û wayîrê wezîfeyanê xo vejîyê. Ma reyna şexsê Embaze Hêvî de pêro şehîdanê şorişî bi rêzdarî yad kenê û sozê xo dibare kenê ke ma do têkoşînê înan ê seba cuya azade bîyarê ca.''