Reya verêne şaristanê Goteborgî yê Swêdî de Festîvala Cinîyan a Şehîde Sema (Fatoşe Saglamgoz) ameye kerdene. Festîvale 5ê hezîrane de bi şîarê 'Xo ver bidê, xo rêxistin bikerê û bi hawayêkê azadî biciwîyê' ameye kerdene.

Festîvala ke hetê Yewîya Cinîyan ê Kurdan a Skandînavya (YJK-S) ra amebî serûberkerdene, meydanê Gustav Adolfstorgî de ameye kerdene û cinîyê xerîbî zî tewrê festîvale bîyî.

Festîvale de deyîrî ameyî vatene, seba yewî û rêxistinîya cinîyan mesajî ameyî dayene, kincê neteweyîyî û werdê kurdan dîyayî şinasnayene. Hunermendî Çopî Fetah, Evîne Akbaş, Ozan Fîgen, Girîn Cizîrî, Koma Govende ya Keçên Rojava, Koma Defê ya Hejîn, Koma Folklorî ya Hindî (The Third Eye)vejîyayî sehne ser û hunerê xo pêşkêş kerdî.

Festîvale bi coşêkê pîlî qedîyaye.