Festîvala Cinîyan a Fîdane Dogan 18ê hezîrane de ya
Festîvala Cinîyan a Fîdane Dogan (Rojbîne) ya 5. 18ê hezîrane de herêma Val de Marne ya Parisî de do bêra kerdene. Komîteya Amadekarîye venga pêro cinîyan da ke wa tewrê festîvale bibê.
Festîvala Cinîyan a Fîdane Dogan (Rojbîne) ya 5. 18ê hezîrane de herêma Val de Marne ya Parisî de, serkêşîya TJK-Fyî de do bêra kerdene. Komîteya Amadekarîye ya Festîvala Rojbîne vizêr Merkezê Komelê Demokratîkî yê Kurdan de ameye yewca û amadekarîyê xo ercnayî.
Festîvale de hunermendî Besere Şahîn, Şehrîbana Kurdî, Dîlan Top, Kevana Zêrîn, Koma Zamarû û Koma Tîerra Maya do vejîyê sehne ser.
Komîteya Amadekarîye kombîyayîşê xo yê vizêrînî de pare kerd ke festîvale do şexsê Aysele Dogan û şehîdanê Zapî de dîyarîya gerîlayan bêra kerdene. Komîteya Amadekarîye sere de ê şaristananê Fransa, venga pêro cinîyan ê kurdan, têgêrayîşanê femînîstan û pêro cinîyan da ke bi şîarê 'Xo ver bidê, rêxistin bibê, azad biciwîyê' tewrê festîvale bibê û wayîrê mîrasê têkoşînî yê şehîdan bivejîyê.
