Bajarê Zurihî yê Swîsre de Festîvala Cinîyan a Sakîne Cansiz ameye kerdene. Kadroyanê ronayoxan ê PKKyî ra Sakine Cansiz 9ê çeleyê 2013yî de paytextê Fransa de Parsi de ameye qetilkerdene.

Festîvale serkêşîya Yewîya Cinîyan ê Kurdan a Swîsre  (YJK-S)  de bi paştdayîşê 30ê rêxistin û înîsîyatîfê cinîyan emser bi şîarê '2Bi Jin Jiyan Azadî ver bi şorişê cinîyan'' warê Kasernenarealî yê Zurihî de ameye kerdene.

Festîvale bi rêzgirewtişî ameye destpêkerdene û  badê qiseykerdişê akerdişî bi nameyê rêxistinanê cinîyan ê cîyayîyan qiseykerdişî ameyî kerdene. Qiseykerdişan de ame vatene ke têkoşînê Sakîne Cansiz bîyo têkoşînê cinîyan ê dinya û bale ameye antene têkoşînê hemparî ser.

KJKyî zî mesajêk şawit û veng da ke her kes dormeyê azadîya Rayberê Şarê Kurdî Abdullah Ocalanî de bêro têhet.

Badê qiseykerdişan û mesajan programê deyîran û folklorî dest pêkerd. Dima bi grûbanê muzîkî heta saetanê erey govende ameye girewtene.