Festîvala Cinîyan a Sakîne Cansiz a 9. şaristanê Zurihî yê Swîsre de bi şîarê 'Xo rêxistin bikerê, xo ver bidê, azad biciwîyê' bi panelêkî dest pêkerde. Kadroyanê verênan ê PKKyî ra Sakîne Cansiz, Temsîlkara YNKyî Fîdane Dogan û aktîvîste Leyla Şaylemez 9ê çeleyê 2013î de Paris de ameybî qetilkerdene.

Bernameyî bi deqayêkê rêzgirewtişî dest pêkerd. Komîteya Amadekarîye beşdarê festîvale selam kerdî. Nameyê YJK-Syî ser o Zozane Serhat qisey kerd û bale ante girîngîya festîvale ser. Zozane Serhat vat: ''Kadroyanê verênan ê PKKyî ra Sakîne Cansiz, Temsîlkara YNKyî Fîdane Dogan û aktîvîste Leyla Şaylemez merkezê Ewropa de ameyî qetilkerdene. Ewro zî dewleta îşxalkere Zap û Avaşîn de vera gerîlayanê azadîye hêrişanê barbaran kena.''

Qiseykerdişan ra dima hunermende Berfîne Demîr vejîyaye sehne ser û pê deyîranê xo reng da festîvale. Festîvale pê govendan dewam kena.