Festîvala Cinîyan ê Belçîka de jineolojî ameye munaqeşekerdene

Belçîka seba amadekarîya grevê cinîyan û derheqê cîniyan û camêrdan de munaqeşeyî festîvale ameye serûberkerdene.

Destpêkê festîvale de seba nê armancê konferansêk ame serûberkerdene. Tewr tay 250 cinîyî û tay camêrdî tewrê munaqeşeyî bîyî. Têdûştîya cinîye û camêrdî ser o munaqeşe ame kerdene.

Cinîyê Balçîka, Kurdistan, Afrîka, Latînî, Amerîka û Fîîpînî û zaf cinîyê welatanê bînan tewrê festîvale bîyî. Bi hawayêkê fermî venga Tevgêrayîşê Cinîyanê Kurd-Ewropa ame dayene û protokolêk ame kerdene.

Festîvale de qase 30 masayî ameyî akerdene. Nê masayan de cîyatîya meaşan, reklaman de îstîsmarkerdişê cinîyan û zaf babetî ameyî munaqeşekerdene. Masayêka taybete zî seba jineolojî û Tevgêrayîşê Cinîyan ê Kurdan ameye akerdene.

Nameyê Komîteya Jineolojî ser o Necîbe Qeredaxî û endama Tevgêrayîşê Cinîyan Ayşe Amaç tewrê festîvale bîyî. Qeredaxî vat: "Gore ferasetê pederşahîye mumkîn nêbo ke Tevgêrayîşê Cinîyan ê Kurdan bi têkoşînê xo na têdûştîye bîyaro meydan. Ewro zî faşîzm vera şorişê cinîyan hêrişanê giranan keno."

Cinîyanê ke masaya jineolojîyî zîyaret kerd seba şorişê Kurdîstanî û seba têkoşînê cinîyanê kurdan heyranîya xo arde ziwan.

Endama Partîya Keskan a Parlementoyê Belçîka Lotte Stoos zî masaya jîneolojî zîyaret kerd û yewîya cinîyan ser o munaqeşe kerd. Lotte îfade kerd ke ê paşt danê cinîyanê kurdan û wazenê ke têkîlîya înan dewam bika.