Hîrê cinîyê kurdê şorişgêrî Sakîne Cansiz (Sara), Fîdane Dogan (Rojbîne) û Leyla Şaylemez (Ronahî) 2013 de paytaxtê Fransa Paris de ameyî qetilkerdene.  Panc serrî yo bi nameyê Rojbîne festîvale yena kerdene. Festîvala Cinîyan a Rojbîne vizêr Paris de bi coşî ameye kerdene.

Festîvala emserî gerîlayê ke Herêmanê Pawitişî yê Meyda de vera hêrişê îşxalî de şehîd bîyî û cinîya kurda şorişgêre Aysele Dogana ke 11ê gulane dinyaya xo bedilnaye rê ameye dîyarîkerdene.

Festîvala ke pîya bi şarê kurdî sîyasetmedarê fransîzî û dezgehê şiroşgêrî zî tewrê ci bîyî de  cinîyan vat  ê do semedê roşnkerdişê Qirkerdişê Parisî xebatanê xo xurtêr bikerê. Festîval de semedê vindartişê hêrişê îşxalî û wedaritişê qedexeyê vera PKKyî zî ame vengdayene. Reyna mesajê KJKyî ame wendene. Mesaj de semedê xurtkerdişê têkoşînî ame vengdayene.

Badê qiseykerdişan hunermandê sey Besere Şahîn, Şehrîbana Kurdî, Dîlane Top, Kevana Zêrîn, Koma Zamaru, Koma Tierra Mara, Axaftin, Solîna Zarokan veyîyayî sehneyî ser.