Wekîla verêne ya HDPyî Aysele Tugluk 2016 ra nata Zîndanê Kandira de tepişîyena. Rewşa weşîye ya Tugluke vera bena giranêr. 

Forumê Kulturî yê Tirkîya-Almanya seba Aysele Tugluk kampanyaya îmzayan daye destpêkerdene. Forumî eşkerayîya xo ya bi kurdkî, tirkî û îngilîzkî de vist vîrî ke Aysele Tugluk de nêweşîya demasî û alzheimerî esta la seba ke Dezgehê Tipê Edlîyî (ATK) raporê 'eşkena zîndan de bimana' dayo vera nêdîyena.

Forumê Kulturî yê Tirkîya-Almanya waşt ke sere de Aysele Tugluk, Selahattîn Demîrtaş, Osman Kavala û Gultane Kişanak ganî pêro tepişteyê nêweşî û sîyasîyî cade bêrê veradayene. Forumî vat: ''Wa Hukmatê Almanyaya Federale vera Tirkîyaya ke heqanê merdiman binpay kena tewirê xo bimojna û Erdoganî rê zerrîhîratîye nêmojna.''

Nê kesan kampanya îmza kerde:

“Erk Acarer, Ahmet Akgun, Lale Akgun, Rezan Aksoy, Kemal Aktaş, Ali Atalan, Îmran Ayata, Nursele Aydogan, Berîvane Aymaz, Hayko Bagdat, Celal Başlangiç, Oya Baydar, Osman Baydemîr, Saadet Becerîklî, Lezgîn Botan, Safter Çinar, Abdullah Demirbaş, Renan Demirkan, Can Dundar, Dîleke Dundar, Ragip Duran, Aydin Engin, Asli Erdogan, Bernhard von Grunberg, Ulku Gurkan-Schneider, Tuba Hezer Ozturk, Leyla Îmret, Selma Irmak, Hasîp Kaplan, Yilmaz Karahasan, Atilla Keskin, Besîme Konca, Kader Konuk, Klaus Kost, Ertugrul Kurkçu, Nafiz Ozbek, Bedîa Ozgokçe, Zîya Pîr, Anton Rutten, Faysal Sariyildiz, Herbert Schmalstieg, Nora Şenî, Ferhat Tunç, Gunter Wallraff, Gulçîne Wilhelm, Kemal Yalçin, Sibele Yigitalp, Ahmet Yildirim, Ayşe Yildirim, Ragip Zarakolu.”