Bajarê Frankfurtî yê Almanya de her menge de hetê Meclîsê Cinîyan ê Kurdan ê Amara, Îtîfaqê Grevî yê Cinîyan ê Femînîstan û Women Defend Rojawanî çalakîye yena kerdene.

Çalakîya na menge de rewşa cinîyan ê afganan gerîyaye dest. Mîtîngo ke bi desan cinîyan tewrê ci bîyî de paştî dîyaye cinîyan ê afganan. Qiseykerdişê bi nameyê Têgêrayîşê Cinîyan ê Kurdan  de ame vîrvistene ke cinîyan kurdan vera DAÎŞî şer kerd û ser kewtî û ame vatene ke nika ganî cinîyê afganî zî vera Talîbanî xover bidê û heme cinîyî paştî bidê înan.

Çalakîye de vilaweka TJK-E û mesajê Îtîfaqê Grevî yê Cinîyan ê Femînîstan û Women Defend Rojawanî zî ameyî wendene. Çalakîye de slogananê ''Biciwîyo paştdayîşê cinîyan'' û ''Cinî, cuye, azadîye'' ameye eştene.