Meclîsê Şaredarî yê Lyonî 8ê temmuze de kombîyayîşê xo de bire daye ke nameyê sîyasetmedara kurde Hevrîne Xelef da meydanêkî.

Hevrîne Xelef 12ê teşrîna verêne ya 2019î de Girê Sipî de hetê cerganê dewleta tirke ra bi hawayêkê barbarî amebî qirkerdene. Xelefe Endama Heyetê Rayberdişî yê Meclîsê Sûrîyeya Demokratîke bîye û Sekretera Pêroyî ya Partîya Ameyoxî ya Sûrîye bîye.

Şaredarê Lyonî Franny Dubotî vat: '' Welatêk de ke mîyanê şerî de yo fîgura sembolîke ya kampa haştîye rê selam bo. Cinîya sûrîyeyîje, kurda femînîste  35 serrîya xo de ameye qetilkerdene. 

Hetkara Şaredarîye Sonia Zdorovdzoff zî ard ziwan ke ê paştî danê têkoşînê cinîyan ê kurdan û sûrîyeyîjan.

Meydan bi hawayêkê fermî hetê Şaredara Gregort Ducetî ra 12ê êlule de saete 18.00 de do bêro akerdene. Ame parekerdene ke meydan rayberîya Şaredar Fanny Dubotî ra pê merasîmêk do bêro akerdene û merasîm de qala têkoşînê Hevrîne Xelef do bêra kerdene.