Fûarê Kitaban ê Şehîd Herekolî yo ke hetê Komîteya Kulturî ya Herêma Cizîre ra bi slogana “Cimato ke waneno cimato aver o” emser reya hîrêyine ame viraştene.

Vizêr fûarê kitaban de şerwana YPJ’yije Sozdar Qamişlo bi nameyê “Xopawitiş û Cinî” semînerêk da. Sozdar Qamişlo vat xopawitiş heme ganeyan de wextê tehlukeyî de xo ramojneno û vat xopawitiş heqêko xozayî yo.

Sozdare vat seba ke dewletî bi fehmê yew ziwan, dîn, nasname û beyraqe têgêrenê û şarî hedef gênê hemverê nê de xopawitiş refleksêko xozayî yê şarî yo. Sozdare wina dewam kerd: “Ocalanî seba ke cinîyî biresê azadîya xo û peydemendişanê mîyanê cimatî ra bixelesîyê, hemverê zihnîyetê camêrdî de mucadeleyêko pîl da. Rayberîye prosesê mucadeleyî de muhîmîyêka pîle daye cinî û vernîya înan akerde. Cinîyan heme wareyan de ca girewt û qezencê pîlî bi dest fînayî. Labelê hewna zî tayê şexsîyetê ke wayîrê zihnîyetê camêrdî yê cinîyan rê zehmetîyan virazenê.”