Gerîlaya HPJyî Stêrke Sêrta ke derheqê hêrişanê vera kurdan de qisey kerd ard ziwan ê do seba ke layiqê şarê kurdî bê do heta peynî xover bidê.

Stêrke Sêrt ard ziwan ke keyeyê ci rîyê zulmê dewlete ra Kurdîstanî ra bar kerd şi Antalya û a metropolanê tirkî de bîye pîl û tîya raştîye dişmenî dîye û vat: ''Mi fehm kerd ke ez nêeşkena nê sîtemî de bicîwîye. Xora keyeyê mi welatperwer bi. Coka ez rêxistine rê dahîna nêzdî bîya. Dima ra mi rayîro bimbarek vîjna û ez tewrê sefan bîya. 2016 de reya verêne ez şîya Rojhelat. Demo kilm de ez ravêrta Merîvanî. Mi tîya hem herême hem zî kulturê Rojhelate nas kerd. Şarê Rojhelatî welatperwer û pabesteyê herra xo yo. Şarêko bihêz o. Nê zî girêdayîşê mi yê Rojhelatî zafêr kerd.''

Stêrke Sêrt wina dewam kerd: ''Pratîkê mi yê verênî de embazê mi verê mi de şehîd bîyî. No semedê mi zaf giran bi. Her şehadet mi rê bi sebebê qesasî. Wezîfeyê qesasgirewtişî dîya grûba Merîvanî. Ma zî çalakîyêka serkewtîye kerde.  Raya verêne ez tewrê çalakîye bîya. Mi waştêne ez grûba hêrişî de ca bîgire. A çalakîye de Şehîdê Sorxwîne û Şehîd Karker zî estbî. Şehîde Sorxwîne vat çi hîs kena. Mi tem fehm nêkerd çi hîs kena. Badê çalakîye ez û embaz Karker ma kewtî qereqolî. Uca leşkero ke weş mendbi embaz Karkerî rê bi nêzdî. Ez nêeşkaya cuya embazê xo  bixelisnî. Nayî ra pê semedê ma çîyo muhîm o yo ke ma qesasê embazanê xo bîgirê.

Çalakîya ma şerî ser o zaf tesîr kerd. Seba ke şar wayîrê çalakîye vejîya nê moral û hêz da ma. Nika dewleta Îranî sîstemê qorîcîyîye aver beno. La badê çalakîya ma tay qorîcîyan çeke xo nabi ro. Se beno wa bibo ma do wayîrê keda nê şarî vejîyê. Yew dayîke mi rê vat, 'mi verî yewna partîye rê milîse kerde la a partîye şerê waybirayî vet. Ewro hêvîya mi şima yê. Hole aya ke şima estê.' Ez zî sey gerîlaya HPJyî do layiqê nê şarî bî.

Hêrişê dişmenî xora eşkerayî. Hinî semedê tay çîyan propaganda û ajîtasyon hewce nêkenê. Dişmen çar leteyanê Kurdîstanî de qirkerdişan keno. Coka ganî heme ciwanê ma tewrê sefanê gerîlayan bibê û qesasê Kurdîstanî bîgirê.''