Gerîla YJA-Starî Zîlane Botan Hemleya Şorişgêre ya Bazanê Zagrosî de ca gêna. Zîlane Botan derheqê xoverdayîşê gerîlayan û hêrişanê dewleta tirke de ANFyî rê qisey kerd. 

Zîlane Botan ard ziwan ke artêşa tirke destpêkê hêrişan 23ê nîsane ra nata xîret kena ke Zagrosan bigêra la nêeşka bivisna destî. Zîlane Botan vat: ''Dişmen pê xeberanê zûrayînan propagandaya xo keno la çîyêk nêvisto destî. Dişmen her şewe pê skorskyan hêzanê xo vurneno, no zî tersê ci mojneno.

Cografyaya Kurdîstanî zehmet a la embazê ma bi şewe û roje tunelan de xo ver danê. Dişmen seba ke nêeşkeno debikewo tunelan teknîkê xo şuxilneno. la teknîkê ci zî ame pûçkerdene. Kes nêeşkeno wina rehet bêro Zagrosan. Têna Zagrosan de nê hêrişê dişmenî ça de bo xoverdayîş zî uca de esto. Gerîlayê YJA-Starî zî rayberîya nê xoverdayîşî kenê. 

Zagrosî herêma Colemêrgî de yê. Zagrosan de gerîlayî hê xo ver danê. Ganî ciwanê Colemêrgî çeka fermandar Serhat Giravîyî û Ekîne Tilore erd de nêverdê û biherikîyê refanê gerîlayan. Ganî şarê ma dişmenî ra nêterso û nêrazîbîyayîşê xo bimojno. Eke gonî rijîyaye ganî ciwanê ma qesasê na gonîye bigêrê. Her kes wa çeka şehîdêke/î bigêro. No mîrasê embazanê ma yo, mîrasê Kurdîstanî yo. Hêrişî têna vera gerîlayan nê vera pêro kurdan ê. Ma sey gerîlayanê HPG û YJA-Starî wayîrê nê xoverdayîşî vejîyê.''