Xîretê Têkoşînî yê vera Qirkerdişê Cinîyan, Xîretê Semedê Asayîş û Haştîye bi serrnameyê 'Vengdayîşê Dezgehan ê Mîyanneteweyîyan' eşkerayîyêke weşanaye.

Eşkerayîye de ame vîrvistene ke Talîbano ke Kabîl vistbi destê xo, heqanê cinîyan binpay keno. Cinîyan pare kerd ke mîsalê sey El Nûsra, DAÎŞ, OSO û Talîbanî hişmendîya serdestîya camêrdan eşkera kenê.

Cinîyan vat: ''Şorişê Rojawanî pê  nêzdîbîyayîşê xo yê vera cinîyan Rojhelatê Mîyanênî rê bi modelêk. Hêzanê herême û DAÎŞî semedê fatisnayîşê Şorişê Rojawanî hêrişê Kobanê, Şingal û cayanê bînan kerd. Înan cinîyî qetil kerdî, îstîsmar kerdî, rotî û esîr kerdî. Afganîstan de zî Talîban bi heman hişmendî û armancê DAÎŞî têgêreno.''

Cinîyan peynîya eşkerayîye de venga dezgehanê mîyanneteweyîyan da û nê çîyî waştî:

''-Wa Talîban bêro bêçekkerdene

-Hêz û dewletê ke çekan danê Talîbanî wa vera înan ambargo bêro ferzkerdene

-Semedê pawitişê cinî û domananê Afganîstanî wa tedbîrî bêrê girewtene.

-Vera şinasîyayîşê îdareyê Talîbanî wurzê payan ser û paştî bidê xoverdayîş û têkoşînê cinîyan.''