'Ganî verba tehdîtanê îşxalî bêveng nêro mendene'

Meclîsê Cinîyan ê Vakur û Rojakewtena Sûrîye hîşyar kerd ke hêrişêko muhtemel ê dewleta Tirkî do pêroyê dinya rê tesîr biko û ganî verba tehdîtanê îşxalî bêveng nêro mendene.

Meclîsê Cinîyan ê Vakur û Rojakewtena Sûrîye derheqê tehdîtanê îşxalî yê dewleta Tirkî de eşkerayîyêka nuştekîye daye.

Eşkerayîye de ame îfade erdene ke Vakur û Rojakewtena Sûrîye de seba ke yewîya bawerîyan û şaran ê cîyayan esta asayîş û aramîye zî ameyî destkewtene û xoverdayîşê şaran ê verba DAÎŞ'o barbar rê bale  ameye antene.

Eşkerayîye de ca dîya nînan: "AKP seba ke projeyo demokratîk ê herême wedare û demografîyê herême bivurne babeta multecîyan ê Sûrîye şuxulneno. Wazeno ke şer derg biko û şarê herême yewbînan de lej biko, naye ra wazeno bi hewayêkê bihêzî tewrê pêvînayîşanê mîyanneteweyîyan ê sey Astana bibo. Hêrişo muhtemel ê dewleta Tirkî do peroyê dinya de tesîr û netîceyanê xiraban bivirazo û firsend bido ke DAÎŞ newe ra tê bigêro. Coka ganî vera tehdît û hêrişanê dewleta Tirkî bêveng nêro mendene.‘‘