Gerîlaya YJA-Starî Azadîye Demhat bi wesîleya 8ê Adare Roja Cinîyan a Dinya ajansê ma rê qisey kerd.

Gerîla Azadîye destpêk de pêro cinîyan rê 8ê Adare fîraz kerd û vat: ''Her serre cinîyî vera sîstemê serdestîya camêrdan vejîyenê waran. Ewro dinya de bingeyê felsefeya Rayber Apoyî de cinîyî têkoşînê azadîye kenê. Jin, Jiyan, Azadî bîya felsefeya cinîyanê dinya. Xêrê kedanê Rayber Apoyî ra ma wayîrê îradeyî yê.

Sey gerîlayanê YJA-Starî ma kenê ke bi çalakîyanê xo têkoşînê 8ê Adare bikerê. Ma zanenê ke cinî û şarê ma çalakîyanê ma ra hêz û moralî gênê. Erkê ma o yo ke ma wayîrê 8ê Adare vehîyê. Ma neheqî, bêedaletî, şîdet, cînayet û qetlîamanê vera cinîyan qetî qebul nêkenê. Ma hêzê qesasê nê kerdişan ê.

Ma do bibê layîqê xoverdayîş û bedelanê cinîyan. Ganî cinîyî bi xo bawer bibê, rêxistin bibê û tewrê xebatan bibê. Armanc û hedefê ma yo ke 2024 de azadîya Rayber Apoyî bîyarê ca. Vera dişmenî çalakîyê ma do tim bizêdîyê. Nê esasî ser o têkoşînê înan de pêro cinîyan rê serkewtiş wazena.''