Gerîlaya Hêzanê Pawitişê Cinîyan (HPJ) Avesta Cûdî ANFyî rê qisey kerd û pare kerd ke dewletê îşxalkerî Kurdîstan de vera cinîyan polîtîkaya şerê taybetî anê ca.

Avesta Cûdî venga pêro cinîyan bi taybetî venga cinîyanê Merîwan, Sine, Ûrmiye û Kirmaşanî da ke vera îqtîdar û îşxalê dewletan ê serweran sere wedarnê û vera şerê gemarinî şîyar bibê.

Avesta vat: ''Beno ke ewro Başûrê Kurdîstanî de şerêko gemarin esto. La no nêno a mana ke rejîmê Îranî polîtîkayanê gemarinan nêano ca. Ganî cinîyê Rojhelatê Mîyanênî ney hol bizanê. Ez venga cinîyanê Rojhelatê Kurdîstanî dana ke bêrê ma pîya vera nê polîtîkayan qirkerdişî vindarnê.

Cinîyî ewro mîyanê teda û zorbazîya camêrdan de hepîskerde yê. Têgêrayîşê Azadîye yê Cinîyan vera na hîşmendîye cuya azade aferneno. Mi hîşmendîya pederşahîye qebul nêkerde û ez tewra têgêrayîşî bîya. Her roje ma nê koyan de yê. Ez venga ê cinîyanê ke mîyanê dêsanê cînsîyan de hepîs mendî dana ke Her cinîye wayîra ê hêzî ya ke çarenusê xo bivurna.''