Gerîlaya samsûnije Rûkene Kobanê 2014 de tewra PKKyî bîye. Gerîla Rûkene derheqê prosesê beşdarîya xo de ANFyî rê qisey kerd.

Rûkene Kobanê (28) vat: ''Îdeolojî û felsefeya Rayberîye, embazîya PKKyî mi rê zaf tesîr kerd. Seba ke cinîyêke bieşka hêzê xo hîs bikera, raştîya xo bivîna, sîstemê qirkerdişê cinîyan de tewirê xo bimojna, zereyê keyeyî do xo bisînor nêkera ez tewre bîya. Mi xîret kerd ke mîyanê PKKyî de xo rêxistin bikerê.

Embazîya PKKyî seke Kemal Pîrî vato 'awankerdişê yewîya ruhî yo.' Na embazîye PKK payan ser o vindarnena. Îdeolojî û felsefeya Rayberîye çimeyê ma yê têkoşînî yo tewr girîng o. 

Çîyo ke derheqê kurdan de ameyo vatene û çîyo ke ma dîyo yewbînan ra xeylêk cîya yê. Coka ez zêdêr erdê Kurdîstanî û kurdan rê girê dîya. Seke Rayber Apoyî vat xelisîyayîşê tirkan pê xelisîyayîşê kurdan beno.

Mi waşt ez keye, embazan û şarî rê qala paradîgmaya Rayberîye bikera. Tîya de her ziwan û netewe ra embazî estê. Her kes pê embazîye ciwîyeno. Mîyanê PKKyî de cîyakerîya ziwan, dîn û netewe çin a. Merdim mîyanê PKKyî de merdimîya xo zaneno.

Dewleta tirke PKKyî rê vana 'terorîst' û Rayberîye rê zî vana 'kiştoxê dergûşan.' Mi dî ke dewleta tirke kiştoxa dergûşan a. Sîstemê dewlete nêvana ê doman ê, ê cinî yê ûsn û pêro kesan qetil keno. Rayberîye û mîyanê PKKyî de bingeyê nê vateyan çin o. Mi dî ke nê pêroyî polîtîkayê gemarinî yê.''