Avareşe Tolhildana ke vera zulmê dewleta tirke yê vera kurdan werişte payan ser û tewra gerîlayan bibî 30ê gulana 2020î de pa 3 embazanê xo şehîd bîye. Avareşe gerîlayêka serewedartoxe ya Botanî bîye.
Wext 2015. Ca Silopî, Şirnex. Cinîya ciwane ya bi nameyê Hulya Edîz wexto ke dî şaristanê ci vurîya çi halî bira têkoşînî daye û bîye gerîla. Hulya dî ke Silopî de dewleta tirke senî qetlîamî kerdî.
Aye qirkerdişê Sêvê Demîr dî, xoverdayîşê Êriş, Aydin û Berxwedanî dî ke nê hîrê ciwanan wexto ke fîşekê înan qedîyayî xo ser o bombayî teqnayî. Hulya Edîz seba wayîrvejîyayîşê nê ruhî verê xo da warê Botanî
Hulya Edîz bîye Avareşe Tolhildan. Avareşe Cûdî, Besta û Herekol de mende. Aye bi israr waşt ke Cûdî de bimana û têkoşîn bikera. Avareşe serra 2017î de şîye Başûrî û têkoşînê xo rê uca de dewam kerd. Avareşe pê serewedartoxîya xo şinasîyayêne. Aye pê hîsê qesasî xo perwerde kerd.
Wextê perwerdeyî û xorinbîyayîşî de aye raporê xo de wina proeses ercnabi: ''Sena şiknayîşê tecrîdê vera Rayberîye ganî ma aktîf bibê û pê tewirê xo yê fedayî tewrê hemleyanê seba azadîya Rayberîye bibê. Rayîrê cewabdayîşê nê prosesî pê Apogîrîye beno. Ma eşkenê pê azadkerdişê Rayber Apoyî cewab bidê keda ey.''
Avareşe Tolhildan wexto ke derbazê Vakurî bena verê xo dana warê Xakurkê û têkoşînê xo rê dewam kena. 30ê gulana 2020î de Avareşe pa embazanê xo Mervan Spertî, Tolhildan Welat û Vîyane Ararat şehîd bîye. A zerrîya Xakurkê de bîye gerîlaya serewedartoxe ya Botanî.
