Gerîlaya YJA-Starî Arîne Koçer derheqê hêrişanê dewleta tirke yê vera Başûrê Kurdîstanî de qisey kerd.

Arîne Koçer pare kerd ke hêzanê îşxalkeran hêrişê herême kerd û vat: ''Artêşa tirke pê leşkeranê xo nê pê cergan, kontrayan û cehşanê xo dest pê hêrişan kerd. Cengê Heftanînî de pê ruhê embaz Goranî û Esmeran operasyon ame çinkerdene. Embazanê ma pê ruhê fedayî şer kerd û teknîkê dişmenî pûç kerd. Beno ke dişmen pê teknîkî şer keno labelê îdeolojî û bawerîya ma estê. Heta na îdeolojî û bawerî estbê heta ke no ruhê embazîye estbo ma do ser bikewê.

Dişmen pawitêne ke Heftanîn de ser bikewo la nêeşka. Dima waşt Garê de ser bikewo la embazan no operasyon zî çin kerd. Dişmenî xo apey ant. Garê de, Heftanîn de, Metîna û xeta Avaşîn-Zagrosan de dişmen her hetî ra hêrişê gerîlayan keno. La o do nêeşko ser bikewo. Êyê ke do ser bikewê gerîla yê.

Ma do ser bikewê. La ganî şarê ma yê Vakurê Kurdîstanî vera operasyonan bibo cewab, wurzo payan ser û neheqîye qebul nêkero. Raştîya kurdan hînî vejîyaye werte, hînî ver bi serkewtişî şina. Ganî kurdî, cinî û ciwanê kurdî nê îşxalî qebul nêkerê û sere wedarnê.''