23ê nîsane ra nata dewleta tirke bi giranî hêrişê Herêmanê Pawitişî yê Medya kena. Gerîlayê YJA-Starî û HPGyî vera hêrişan xoverdayîşêkê pîlî kenê. 

Endamanê tîmanê gerîlayan ê Avaşînî ra Hebûne Kato verî ke şora çalakîye ANFyî rê hêrişê îşxalî û xoverdayîşê gerîlayan ercnayî.

GerîlayaYJA-Starî Hebûne Kato vat: ''Wextêkê dergî ra nata Avaşîn de operasyon esto. Dişmen xeylêk cayan de ca bîyo la sabît nîyo. Ma xîret kenê ke dişmenî Avaşînî ra vejê. Asta tewr berze de çêrîye ameye mojnayene, kede ame dayene. Ma do şorê qesasê embazanê xo bigêrê. Bi hawayêkê bêmerdimî vera gerîlayan çeka kîmyewîye şuxilîyena. Pê nê metodan dişmen wazeno bikewo welatê ma. La ma do nêverdê dişmen netîce bigêro. Hînî wextê ma ameyo. Zimistan ho dîyeno ma do derbê giranî bidê îşxalkeran ro û înan tîya ra vejê. 

Operasyonê Avaşînî de çêrîya cinîyan reyna eşkera bîye. Cinîyan reyna rixmê zor û zehmetîyan zî tewirêko cîya mojna. Çimê embazan ê cinîyan de ters çin o. Eqsê ci bi çêrîya xo hêz danê embazanê xo. Cinîyî rayberîya xoverdayîşê Avaşînî kenê. Ma do Avaşînî ra dişmenî vejê. Cinîyî do peynîya operasyonê îşxalî bîyarê.''