Gerîlayanê YJA Starî ra Faraşîne Miştenûra ke ANFyî rê qisey kerd ard ziwan ke têkoşîno ke hetê Kawayê Asinkarî ra dîya destpêkerdene ewro koyanê Kurdîstanî de dewam keno.

Faraşîne Miştenûr bale ante şerê leyminî yê dewleta tirke yê vera gerîlayan û şarê kurdî ser û vat: ''Na polîtîkaya çînkerdiş û zilmî, semedê ma sebebo tewr pîl ê têkoşînî yo. Seba ke dewleta tirke cinîyan hedef gena, no sey YJA Starî hêrsê ma zafêr keno. Cinîyê kurdan ke ewro heme cinîyan rê serkêşîye kenê, zîncirê koletîye şiknayî û dêsê tersî rijnayî. Çalakîyê ke Rojhelatê Mîyanênî û Ewropa ra vila bîyî, minuneyê nê yê. Şîarê 'Jin Jiyan Azadî' yê paradîgmaya Rayberê ma, ewro hetê heme cinîyan ê dinya ra ameyo qebulkerdene. Sîstem na sloganê vera xo sey tehdîtê girdî vîneno. Cinîyî xeyrê Rayberê ma heta na merhale ameyî. Keda şehîdanê ma yê ke semedê şarê ma û têkoşînê azadîye şehîd bîyî, Newroze resna manaya ci ya raşte. Sey gerîlayanê YJA Starî hayîya ma rolê ma ra est a. Ma soz danê ke ma do têkoşînê xo girdêr bikerê.''