Gerîlaya YJA Starî Sara Cûdî xoverdayîşê vera dewleta tirke ya îşxalkere pê reqsî ana ziwan. Sara Cûdî Êlih de yena dinya û Îzmîr de bena pîle. Sara 12 serrîya xo de dest pê reqsê bale kena.

Sara Cûdî wexto ke wendekare bîye kitabê 'Senî Biciwîya' yê Rayberê Şarê Kurdî Abdullah Ocalanî wanena û kewena peyê cigêrayîşan.

Cûdîye vat: ''Bi taybetî fikranê Rayberîye yê serê kultur û hunerî zaf tesîrê mi kerd. Ez kewta rayîr û mi PKK şinasna.  Wexto ke ez keye de bîya ez qetî bê muzîk û bale nêeşkaya biciwîya. Koyanê Kurdîstanî de pê vengê xoza bê muzîk ez eşkîyena reqs bikera. Her ke ez xoza reyde bena yew hîsê mi xorinêr bîyî. Bi reqsê xo ruho komelkî yê cinîyan û cuye bîyî ercîyayêr. Ez felsefeya Rayberîye ser o agêrayîşê cuya newîye ana ziwan.

Embazê ma Mamreşo, Aris Faris, Zendûra û Heftanîn de mîyanê xoverdayîşêkê xurtî de yê. Rixmê pêro teknîkê dişmenî zî embazî têkoşînêkê xurtî kenê. Ez pê reqsê xo, pê bedenê xo qala xoverdayîşî kena. Mîyanê adirî de ma senî xo resnenê tîje? Cewabê na perse kesayetê Serhat, Kamûran, Sarya û xeylêk embazanê bînan ê şehîdan de vejîyena werte. Pê nê têkoşînê bêemanî xoverdayîşê cinîyan, xoverdayîşê embazan, ez zêdêr kerda hêrsîn. Mi verê xo da armancê zêdeyan. Ez deyîra xo ya Hêvî çarçewa Hemleya Wextê Azadîye de dîyarîya pêro xoverdayoxanê zîndanan kena.

Embaz Xelîl û embaze Delîla warê kultur û hunerî de ruhêko pîl vet werte. Ma nê şerî de têna pê çalakîyanê çeke, warê kulturî de zî pê çalakîyan wayîrê ney vejîyê. Ez venga pêro kurdan dana ke no têkoşîno ke rayberîya embaz Serhatî de dewam keno, ganî pê kultur û hunerî biciwîyo.''