Gerîlayanê YJA Starî bi tîyatroyî Zîlane yad kerd
Gerîlayanê YJA Starî bi aktîvîteya tîyatroyî Zîlane (Zeynepe Kinaci) ya ke 30ê hezîrana 1996î de vera artêşa tirke ya îşxalkere çalakîya fedayîye kerd, yad kerd.
Gerîlayanê YJA Starî bi wesîleya serrgêra şehadetê 28. ya gerîlaya PKKyî Zeynepe Kinaci bi nameyê kodî Zîlane aktîvîteya yadkerdişî organîze kerd.
Yadkerdişo ke Herêmanê Pawitişî yê Medya de ame kerene kayê tîyatroyî ame kaykerdene. Tîyatro de Xoverdayîşê Sakîne Cansiz (Sara) yê Zîndanê Amedî ra heta çalakîya Zîlane ya Dêrsimî xeta fedayîye ya cinîyan a Têgêrayîşê Azadîye yê Kurdîstanî ya ke bi kede û perspektîvanê Rayberê Şarê Kurdî Abdullah Ocalanî ameye afirnayene, ameye ramojnayene.
Tîyatro de Sakîne Cansiz ra heta Zeynepe Kinaci, Leyla Kaplan (Rewşene) û Gulere Ortaç (Bermal) ra heta Sema Yuce, wird cinîyan ke raya verêne pîya çalakîya fedayîye kerde Rukene û Sara ra heta Rojhat û Erdalî ke bi çalakîya fedayîye Anqara de zerrîya dewleta tirke ra da piro, gerîlayanê ke çalakîyê fedayî kerdî ê ameyî destgirewene.
Aktîvîte de gerîlayanê cinîyan tîyatro ra heta dansî, deyîre ra heta şîîre bi tewriranê cîya cîyayan ê îfadekerdişî Zîlane ra heta Rûkene û Sarayan şehîdê ke tradîsyonê fedayî de bîyî bêmerg ê yad kerdî.
