Hêrişê dewleta tirke yê vera Herêmanê Pawitişî yê Medya dewam kenê. Gerîlaya YJA-Starî Arîne Demhata ke cepheyê xoverdayîşî de ca gêna, derheqê hêrişan û xoverdayîşê gerîlayan de qisey kerd.

Arîne Demhat ard ziwan ke dewleta tirke wextê xo yê qelsîye de ya û vat: ''Artêşa tirke pê leşkeranê xo vera ma şer nêkena. A pê çekanê kîmyewîyan, teyarayanê şerî û teqaberan hêriş kena. Nê hêrişan de zerarêko pîl resena xozaya ma. La wa dişmen bizano ke peynîya ci ameya, serkewtişê gerîlayan nêzdî yo. Xoverdayîşo nikayîn serkewtişî mojneno ma. Ma bi moral û motîvasyonî şer kenê. Ma wazenê hişmendîyêka nîjadpereste birijnê û herinda ci de hişmendîyêka demokratîke awan bikerê. Coka hêrişî çend pîl bibê zî cewabê ma do hende pîl bibo.

Nika gerîlayê ereb û kurdî pîya vera hêrişanê dewleta tirke koyanê Kurdîstanî de şer kenê. Hetê bînî ra dişmen xoverdayîş û çêrîya gerîlayanê YJA-Starî ra zaf terseno. Hêvîyê ma yê pîlî est ê. Ma do nêverdê ke dewleta tirke erdê Kurdîstanî îşxal bikera. Ma do xeta azadîye ya cinîyan bi serkewtişî tacîdar bikerê û Rayber Apoyî azad bikerê.''