Gerîlayanê YJA-Starî Nûdeme Farqîn û Dîroke Amed derheqê çalakîyanê serkewteyan ê vera dişmenî de ANFyî rê qisey kerd.

Nûdeme Farqîn derheqê çalakîya Xakûrkê de agahîyî dayî û vat: ''Çalakîye de embazan 2 baskan ra hêriş kerd û 6 leşkerî ceza kerdî. Çalakîye ra dima dişmenî pê drone û teyarayanê şerî hêriş kerd. Dişmenî verî operasyon kerdêne la nika wina yew hêzê ci çin o. Cesaretê dişmenî çin o ke vejîyo verê gerîlayan coka tim pê teknîkî yeno ma ser. Ma vera teknîkî şer kenê. La no teknîk merdiman viraşt û merdimî do ey bin bikerê. 

Dişmen semedo ke qels o vera ma teknîkî şuxilneno. Her roje televîzyonan de vano 'Ma PKK çin kerd.' La ê zî pê nê vateyî bawer nêkenê. Ê pê nê zûran propaganda kenê û wazenê psîkolojîya leşkeranê xo hol bikerê. Ma sey gerîlayan ê cinîyan warê Bêrîtane de têkoşîn kenê û pê ruhê Bêrîtane vera dişmenî şer kenê.''

Gerîla Dîroke Ameda ke warê Xakûrkê de şer kena vat: ''Dewleta tirke Xakûrkê de pê teknîkî xîret kena ke îradeyê ma bişikna. La xoverdayîşê gerîlayan teknîkê dişmenî pûç kenê. Dişmenî vera Girê Şehîd Kamuranî operasyonêk dabi destpêkerdene. Ma sey gerîlayanê YJA-Starî uca de sîstemê kamera û sîstemo nimite yê makînaya fotografan ferq kerdî. Ma kamera îmha kerde û dest na makîne ser. Na makîna de kartê hafiza û SÎMî estbîyî û mîyanê nê kartan de zî fotografê leşkeran ê tirkan estbîyî.

Leşkerê dewleta tirke nêeşkenê şer bikerê, vera pê teknîkî hêrişê ma kenê. Ma sey gerîlayan teknîkê înan pûç kenê. Ma sey gerîlayanê YJA-Starî do wezîfeyê xo hîna hol bîyarê ca. Ma pêro embazanê ke Hemleyanê Cengê Xabûrî û Bazanê Zagrosan de ca gênê selam kenê.''