Gerîlayanê YJA Starî  bi wesîleya serrgêra 44. ya ronayîşê ci derheqê PKKyî de qisey kerd.

Avesta Cûdî: Çekuyî nêvejenê ke merdim qala PKKyî bikero. PKKyî Cuyeyêka newîye daye komelî. Na cuye de senî ke merdim newe ra bêro dinya. Mi zî cuya raştkîne PKKyî de dîye. Têna cayo ke ez tede rehet ciwîyena tîya yo. Xora her kes zano ke cuya sîstemî raşt nîya. Sîstem de merdim têna sey fîzîkîyî ciwîyeno, mezg û zerrîya ci aîdê ci nîyê. Merdim têna mîyanê PKKyî de eşkeno bibo azad.

Canfeda Rûbar: PKK semedê mi tîtik o, manaya raştîya Rayberîye û merdimîye ya. Her çiqas ma Rayberîye mevînê û PKKyî pê kitabanê ci nas bikerê zî PKK ma ey rê zafêr nêzdî keno, keno ke ma xo dahîna zaf nas bikero. PKK heskerdiş, hêvîkerdiş û serkewtişî musneno.

Stêrke Amed: PKK rayîrê azadîye yo. Mi azadîye PKK de dîye. Gama ke ez tewrê gerîlayan bîya mi vat werîkna ez rewna ra tewrê ci bibîyêne. Sey cinîyêke xo komel de îfaderdiş zehmet o la tîya ma xo nas kerd, têkoşîn kenê, xo pawenê, PKKyî no şans da ma. Mi nasnameyê xo PKK de dî. Tîya merdim xo newe ra aferneno. PKKyî cuyeyêka rinda ke ma na cuye de xo, şar û herra xo pawenê.

Zîlane Banê: Wextê tewrbîyayîşê PKKyî ra nata ez kena ke fîkranê Rayberîye fam bikerê. Çunke kam/e ke Rayberîye fam bikero xo keno azad. Beno ke tayî nê sey propoganda vînê la na raştîye PKKyî de yena vînayene. Merdim vîneno ke kurdî bi serran senî hewnê mergî de mendî. Ewro beno ke tay kurdî xeta xayînîye de la kurdî xeyrê Rayberîye têkoşîn û xoverdayîş vîjnenê. Bi vatişê PKKyî verî azadîye yena vîrê mi û Rayber Apo yeno çimanê mi ver. Çunke na rêxistina ke 40 serrî yo payra ra hetê Rayber Apoyî ra ameye ronayene. Ma şervanê Rayber Apoyî yê. Nê koyan de ma do heta dalpaya peyêne ya gonîya xo têkoşîn bikerê.

Raperîne Gabar: Senî ke Rayberîye zî vano, PKK partîya şehîdan a. Coka cayê ci zaf cîya yo. Têkîlîya embazitîye ya PKKyî her kesî ser o tesîr kena. PKK de sey cinîye merdim xo  dahîna xurtêr keno.

Mitra Cûdî: PKK cayê têkoşîn û xoverdayîşê birumetî yo. Hemrayîye, têkoşîn û îradeyê PKKyî cayna çîn o. Na mana de PKK rêxitinanê bînan ra zaf cîya yo. Semedê  tarîfkerdişê ci çekuyî nêvejenê.