Gerîlaya YJA-Starî Ozgur Çîya derheqê Zîlan (Zeynep Kinacî) a ke 30’ê Hezîrane 1996 de Dêrsim de çalakîya fedayîye viraştebî de wina vat, “Mîyanê hevalan de timî qalê aye yeno kerdene. Her ke şi mi meraq kerd, cigêrayîş kerd û mi mektubê aye wendî. Wexto ke mi mektubî wendî vatişê ‘werrekna canê mi ra rûmetir çîyêko bîn bibîyêne’ mi ser o zaf tesîr kerd. Hevala Zîlane seba ke cuya azade biresna ameyoxî xo feda kerd. Teyna seba wextê xo ney, seba ameyoxî zî xetêk afernaye.”

Tekoşîn Zagrose zî vat, “Seba cinîyan xeta cinîyan xêz kerde. Teyna serrêk de Rayberîye fam û hîs kerde û na xete ser o bîye wayîrê caardişan. Îradeyê cinîyan o azado ke verê cû nêaseyenê aferna. Teyna seba naye zî ganî merdim hevala Zîlane nas bikero û biwano. Beno ke serra 1996 de hevale Zîlane çalakîye viraşte, bîye bêmerge labelê nika bi desan Zîlanî estê mîyanê ma de û şer kenê. Rayraşîyayîşê azadîye de cinîyê ke şer kenê înan rê serkewtiş wazena.”