Başûrê Kurdîstanî de qirkerdişê cinîyan û mergê şikdarî yê cinîyan zêdîyenê. Başûrê Kurdîstanî de, menga gulane de 10 cinîyî û 3 domanî ameyî qirkerdene yan zî bi hawayêkê 'şikdarî' merdî.

Goreyê xebera NûJINHA Başûr de qirkerdişê cinîyan sey 'meseleya namusî' yenê mojnayene.

Başûr de menga gulane de nê serebûtê cînayet û şîdetê vera cinîyan wina yê:

-Taxa Sengawa ya bajarekê Çemçemalî ya Silêmanî de 2ê gulane de camêrdêkî cinîya ke tede zewijnaye bi û 3 kesê bînî pê çeke qetil kerdî, vistewraya xo zî birîndar kerde. Verî gerreyê nê camêrdî amebi kerdene.

-Kampa Bêrsîvî ya Zaxo de cinîya êzidîye E.Q.E. 5ê gulane de xo 'kişt.' 

-Taxa Pence Elî ya Kerkûkî de 5ê gulane de camêrd Elî Fetehî Leylaya ke tede zewijnaye bîye, kişte. 

- Taxa Zergete ya Silêmanî de şewa 5-6ê gulane de, cinîyêke hetê camêrdo ke waştêne tira cîya biba ra ameye kiştene. 

-Taxa Serhildanî ya Dihokî de 10ê gulane de cinîyêke hetê camêrdo ke tede zewijnaye bîye ra  ameye kiştene. 

-Bajarekê Çemçemalî de camêrd D.A.M. hêrişê keyeyê T.Î.M.ya ke tede zewijnaye bi kerd. 

-Taxa Şoreşî ya Hewlêrî de 14ê gulane de camêrdêkî cinîya ke tede zewijnaye bi, birîndar kerde. 

-17ê gulane de Pêncewîn de cenazaya domana kênaya 14 serre dîyaye. 

-Zaxo de 21ê gulane de cinîyêka ke ameya kiştene, ameye dîyene.

-Bajarekê Berdereşî ya Dihokî de 23ê gulane de camêrdêkî cinîya ke tede zewijnaye bîye, kişte. 

-Hewlêr de 23ê gulane de domanêkî/e rê xokiştiş ame ferzkerdene. 

-Hewlêr de 25ê gulane de cinîya bi nameyê Temîne Ezîz keyeyê xo de bi hawayêkê şikdarî merde. 

-Bajarekê Kelarî yê Germîyanî de cenazayê cinîyêke û domanêke ameyî dîyene.