Şaristanê Hannoverî yê Almanya de bi babeta "Şîdetê vera cinîyan polîtk o, beno ke a/o ti zî bibîyêne'' konferansêk ame serûberkerdene.

Aktîvîstanê cinîyan ra Munevvere Amed, Medya Botan, Dilşahe Osman û rojnamegere Aysele Avesta konferansî de pêşkêşî kerde.Pêşkêşîyan de behsê tarîxê şîdetê vera cinîyan û şekilê nê şîdetî yê ewroyînî ame kerdene û ame vatene ke şîdetê vera cinîyan polîtîk o û no têna şîdeto fîzîkî nîyo. Ame parekerdene ke şîdet hem hetê fîzîkî ra hem zî hetanê psîkolojîkî, kulturî, ekonomîkî û komelkî ra ganî bêro  munaqeşekerdene. Konferansî de çime û tewirê şîdetê vera cinîyan ser o ame qiseykerdene û seba nînan pêşnîyazê çareserîyan zî ameyî kerdene. Gore naye, çareserîya verêne çarçewa perspektîfê 'Xobîyayîşî' de awankerdişê rêxistinan û xopawitiş a.

Amadekaranê konferansî ra aktîvîste Şukrane Sîncar ANFyî reyde qisey kerd û vat: "Ma konferansê xo de xîret kerd ke her hetê ci ra şîdet ser o qisey bikê. Tewirê şîdetî yo ke tewr baş yeno zanayene şîdetê fîzîkî yo. Xora ma şîdet her hetê ci ra erjnenê. Mîsal ma rewşa cinîyanê ke şerî de yê û tevgêrayîşê serdestan ê vera cinîyanê sivîlan û şerwanan zî erjnaye. Konferans serkewte bi. Ma do xebatanê xo dewam bikê. Ma seba ke cinîyî xopawitişê xo her ca de awan bikê û xo rêxistin bikê xebatanê xurtan bikê. Çarçewa hemleya 'Ti zî wurze payan ser' de ma do karê xo dewam bikê.'

Konferansî de Rayberê Şarê Kurdî Abdullah Ocalan zî seba keda xo yê bêsînore ame selamkerdene. Konferans bi sloganê ''Cinîye, Cuye, Azadîye'' û ''Biciwîyo Serek Apo'' qedîya.