Cinîya kurde Jîna Emînîya (22) ke Rojhelatê Kurdîstanî ra ya, Tehran de hetê polîsanê exlaqî ra semedo ke gijikê ci aseno amebî qetilkerdene. Seba Jîna Emînî hîrê rojî yo Îran û Rojhelatê Kurdîstanî de çalakîyî dewam kenê.

Merkezê Pêroyî yê HDPyî hêrişê rejîmê Îranî yê vera şaranê Rojhelatê Kurdîstanî û Îranî şermezar kerdî ke seba protestoyê qetilkerdişê Jîna Emînî vejîyayê kuçeyan.

HDPyî twitterî ser de eşkerayîya xo pare kerde û vat: ''Ma hêrişê hêzanê rejîmê Îranî yê vera Rojhelatê Kurdîstanî û Îranî şermezar kenê ke vera qetilkerdişê Jîna Emînî vejîyayî kuçeyan. Têkoşînê azadîye yê cinîyan seba pêro dinya beno roşnîye.''