Cinîyan ê HDP û TJA ra vera tepişîyayîşê Gokkane û Olbecî nêrazîbîyayîş

TJA û HDPyî vera tepişîyayîşê Vervatoxa TJA Ayşe Gokkan û Aktîvîsta TJA Zeynepe Olbecî nêrazîbîyayîşê xo mojna û îfade kerd ke têkoşînê cinîyan o rêxistinbîyaye do ser bikewo.

TJA û HDPyî pê eşkerayîyêke vera tepişîyayîşê Vervatoxa TJA Ayşe Gokkan û Aktîvîsta TJA Zeynepe Olbecî nêrazîbîyayîşê xo mojna. Eşkerayîye bînaya Rêxistina HDPyî ya Mêrdînî de dîyaye.

Eşkerayîye de fotografê Ayşe Gokkan û Zeynepe Olbecî ameyî berzkerdene û eşkerayîye hetê Eyleme Amak ra ameye wendene.

Amake pare kerd ke TJA sîwana rêxistinîya cinîyan ê kurdan a. Amake îfade kerd ke herinda têkoşînê azadîye yê cinîyan de ganî kerdişê tecawuz, tacîz bêrê hukmkerdene.

Amake vat: ''Polîtîkayê vera cinîyan nê  têkoşînê cinîyan o rêxistinbîyaye do ser bikewo. Ayşe Gokkan û Zeynep Olbecî wa cade vera bidîyê.''

Eşkerayîye pê slogananê 'Cinîye, Cuye, Azadîye' qedîyaye.