Hemsereka verêne ya Meclîsê Xoserî yê Demokratîkî yê Şingalî (MXDŞ) Rihame Heco serrgêra 3. ya Fermanê Êzidîyan ê 3ê Tebaxe ser o qisey kerd.

Rihame Heco eşkera kerd ke rayîrê qirkerdişê êzidîyan hetê Osmanîyan ra ame akerdene û vat: ''DAÎŞî nê qirkerdişî rê dewam kerd. Înan erdê ma talan kerd, cinîyê êzidîyî remnayî, tecawuzê înan kerd, ziwanê êzidîyan qedexe kerdî. Êzidîtîye bawerîyêka zengîn a. Coka tim maruzê fermanan manena. Dişmen wazeno êzidîyan bikişo erdê înan talan bikero. 

Başûr de PDKyî xeylêk dewê êzidîyan vêşnayî. Mîyanê şarî de nîjadperestîye ameye vila kerdene. Hînî şar êzidîyan zaf qebul nêkeno. Başûr de hetêkî ra DAÎŞî hetê bînî ra zî misilman û tirkî hêrişê êzidîyan kenê. Fermanê Osmanîyan û ê DAÎŞî yewbînan ra cîya nîyê. Nînan dîn xo destî de kerd sey çeke.''

Hecoye peynîya qiseykerdişê xo de pare kerd ke Rojhelatê Mîyanênî de polîtîkaya qirkerdişî vera êzidîyan dest pêkerde û vera xeylêk şaran dewam kerde.